2019 йил 12 декабрь куни “POSCO INTERNATIONAL TEXTILE” Бухоро фабрикасида QSS+қулай, хавфсиз ва шижоатлантирувчи иш жойини яратишни бошлаш мавзусида семинар бўлиб ўтди.
Семинарда фабриканинг 200 нафар раҳбар ва ишчи-ходимлари иштирок этишди.
“QSS+ қулай, хавфсиз ва шижоатлантирувчи иш жойини яратишни бошлаш” мавзусидаги семинарни ўтказишдан асосий мақсад, иш жойларида хавфсизлик техникасига бўлган талабларни оширишда ёнғин хавфсизлиги, электр хавфсизлиги, санитария-гигиена қоидаларига риоя қилган ҳолда иш жойларини тоза ва озода сақлаш, ҳар бир ишчи-ходим ўзи ишлаётган иш жойига нисбатан талабчанлигини ошириш, ўзи танлаган касбини севиши, сифатли маҳсулот ишлаб чиқариб, харажатни камайтириш орқали маҳсулотнинг тан-нархини арзонлаштириб дунё бозорида нуфузли ўринларни эгаллашдан иборат.
Семинар охирида компания директори томонидан барча иштирокчилар билан бирга муваффаққиятга эришиш мақсадида қасамёд қилинди.
И.Бердиев, меҳнатни муҳофаза қилиш
бўлими етакчи мутахассиси
