Ҳалқ таълим тизими ташкилотларида фаолият кўрсатаётган хотин-қизлар ўртасида соғлом турмуш тарзини тарғиб қилиш, уларни турли касб касалликларидан спорт ва соғлом турмуш тарзи асослари орқали мухофаза қилиш ва спортнинг жисмоний тарбия ҳамда оммавий турларига қизиқишларини  кучайтириш, спорт ва жисмоний тарбия кундалик иш жарёнини бир бўлагини ташкил қилиши зарурлиги бўйича кўникмаларни шакллантириш, спортнинг волейбол турини оммавийлигини ошириш мақсадида жорий йилнинг 7 январь куни таълим, фан ва маданият ходимлари касаба уюшмаси Когон шаҳар кенгаши томонидан шаҳар жисмоний тарбия ва спорт бўлими билан ҳамкорликда ҳалқ таълим тизими муассасаларида ишлаётган хотин-қизлар ўртасида волейбол спорт тури бўйича шаҳар биринчилиги ўтказилди. Мусобақада шаҳар ҳудудида мавжуд бўлган 11та мактабдан 7 та жамоа иштирок этди. Мусобақаларда иштирокчиларнинг руҳини кўтариш мақсадида жамоаларни  буюк аждодларимиз исми билан номлаш шаҳар тармоқ ташкилотлари жамоалари учун одат тусига кирган.  Бу галдаки мусобақаларда  ҳам “Тўмарис авлодлари”, “Бибихоним издошлари”, “Нодирабегим” дея номланган жамоалар ўзаро беллашдилар.

Мусобақа кўтаринки кайфиятда ўтди. Беллашув якунлари бўйича фахрли биринчи ўринни 9-мактабнинг “Тўмарис авлодлари” жамоаси, 2-ўринни 10-мактабнинг “Бибихоним издошлари” ва 3-ўринни 7-мактабнинг “Зулфияхоним ворислари”  жамоалари эгаллади. Мусобақа ғолиблари дипломлар ва эсдалик совғалари билан тақдирланди.

Л.Джураева

Таълим, фан ва маданият ходимлари касаба уюшмаси

Когон шаҳар кенгаши раиси