Саодат Ҳомидова Бухоро давлат тиббиёт институти доценти. У институтнинг “Микробиология, вирусология ва иммунология” кафедрасида фаолият юритади. У иш берувчининг ҳаракатларидан норозилик билдириб касаба уюшмалари Бухоро вилоят кенгашига мурожаат қилди. Унга кўра, С.Ҳомидова мазкур кафедранинг 6 нафар ўқитувчиси ҳамда ўзига 2023-2024 ўқув йилида микробиология, вирусология ва иммунология фанларидан дарс машғулотларини соатбай тарзда ўқитиш учун маърузачилар сифатида ишлашига рухсат берилган.

Бухоро давлат тиббиёт институти ҳисобхонаси томонидан мурожаатчи ва бир неча нафар ходимга маълум муддат ўтказган дарс машғулотлари учун иш ҳақи тўлаб берилмаганидан норози.

Ушбу масала бўйича Ўзбекистон касаба уюшмалари Федерацияси Бухоро вилоят кенгаши томонидан иш берувчи номига ёзма кўрсатма киритилди. Шундан сўнг институт раҳбарияти 9 нафар ходимга соатбай ишлаган даври учун иш ҳақлари тўланиши тўғрисида буйруқ расмийлаштирди. Тўққиз ўқитувчига жами ҳисобда 85.934.567,0 сўмлик иш ҳақилари ундириб берилди.

        Рустам НАСИМОВ,  Ўзбекистон касаба уюшмалари Федерациясининг Бухоро вилоят кенгаши бош мутахассиси