Ўзбекистон касаба уюшмалари федерациясининг Бухоро вилоят кенгаши томонидан тизимдаги барча ишчи-ходимлар, нуронийлар иштирокида байрамлар ойида касаба уюшмалари ҳаракатининг 120 йиллиги муносабати билан миллий қадриятларимиз намунаси бўлган «Сумалак сайли» ташкил этилди.
Байрам сайлида вилоят кенгаши иштирок этиб, касаба уюшмалари ҳаракатининг 120 йиллиги муносабати билан соханинг узоқ тарихи, ва салкам 120 йиллик тарихга эга Ўзбекистон касаба уюшмалари фаолияти давомидаги юксалишлар, юртимизда амалга оширилаётган кенг кўламли ислоҳотлар тўғрисида сўз юритди.
Аҳил жамоа йиғилган мазкур сайлда вилоятимизнинг таниқли санъат усталари ўзларининг куй-қўшиқлари билан иштирок этиб, барчага байрамона кайфият улашдилар.
Тадбир давомида кўнгиллар шодликка тўлиб, нуронийлар Ватанимизга тинчлик, хонадонларга файзу–барака, сохада олиб борилаётган улуғвор ишларга бардавомлик, ёшларга бахт-иқбол тилаб, дуога қўл очдилар.
Вилоят кенгаши матбуот котиби
