“Ўзбектелеком” АК Бухоро филиали бошланғич касаба уюшма ташкилотининг ҳисобот-сайлов конференцияси ўтказилди.
Жамоада 1266 нафар касаба уюшма аъзолари мавжуд бўлиб, ҳисобот- сайловларнинг дастлабки йиғилишлари корхона цех жамоаларида ўтказилиб, бошланғич ташкилот конференциясига делегатлар сайланди. Конференцияда дастлаб жамоа шартномасининг 2024 йилдаги ижроси бўйича корхона раҳбарининг ҳисоботи тингланди. Конференция делегатлари томонидан жамоа шартномасига киритиладиган қўшимча ва ўзгартиришлар юзасидан таклифларини билдирдилар. Ҳисобот-сайлов конференцияси ишида Ўзбекистон ахборот технологиялари ва оммавий коммуникация ходимлари касаба уюшмаси Республика Кенгаши раиси Ишанходжаев Асрор Асланович, Ўзбекистон касаба уюшмалари Федерациясининг Бухоро вилоят Кенгаши раиси Олимов Муҳаммадқосим Ҳошимович, Ўзбекистон касаба уюшмалари Федерациясининг Бухоро вилоят Кенгаши раиси ўринбосари Бешимов Ҳамид Саидовичлар иштирок этдилар.