Ғиждувон тумани 66-умумий ўрта таълим мактабидаги 63 нафар ходимнинг меҳнат шартномаси штатлар қисқариши муносабати билан бекор қилинди. Мактаб директори томонидан қабул қилинган тегишли буйруқларда ходимларнинг иш стажига қараб ишдан бўшатиш нафақаси тўлаш тўғрисидаги қонун талаблари киритилмаган ва нафақа тўловлари бир ойлик ўртача иш ҳақи асосида тўланиши белгилаб қўйилган. Шунингдек, ходимларнинг 11.12.2024 йилдан 11.01.2025 йилгача ишсиз қолганлиги муносабати билан, меҳнат шартномаси алоҳида асослар бўйича бекор қилинганда, ишга жойлаштириш даврида ўртача ойлик иш ҳақини сақлаб қолиш кафолатлари иш берувчи томонидан тўланмаган.

        Ўзбекистон касаба уюшмалари Федерациясининг Бухоро вилоят кенгаши раиси томонидан мактаб директорига 63 нафар ходимнинг ишсиз қолганлиги ва ишга жойлаштириш даврида ўртача ойлик иш ҳақини сақлаб қолиш кафолатлари, яъни иккинчи ойлик учун 122.206.402 сўмлик иш ҳақи тўловлари тўлаб бериш бўйича ёзма кўрсатма киритилди. Касаба уюшма аралашуви билан бу маблағлар 2025 йил 3 февралда ундириб берилди.

Рустам НАСИМОВ, Федерациянинг Бухоро вилоят кенгаши мутахассиси