Жамиятимизда меҳр-шафқат, инсонийлик ва ғамхўрлик каби фазилатлар ҳар доим юксак қадрланган.

Ўзбекистон Республикаси давлат мустақиллигининг ўттиз тўрт йиллик шонли санаси муносабати жорий йилнинг 28 август куни Қоракўл туманида жойлашган Бухоро “Мурувват” ногиронли бўлган шахслар учун эркаклар интернат уйи раҳбарияти ва вилоят кенгаши  ҳамкорлигида Ватан учун, миллат учун, халқ учун!» шиори остида хайр-саховат тадбири ташкил этилди. Мазкур тадбирда вилоят кенгаши раисининг ёшлар масалалари бўйича маслаҳатчиси Достонбек Жўраев иштирок этиб барчани муборакбод этди.

Тадбир давомида  ташкилот ишчи-ходимлари ҳамда яшовчилари   иштирокида самимий суҳбатлар, спортнинг шахмат-шашка турларидан мусобақалар ва шу билан бирга тантанали маданий тадбир ташкиллаштирилди. Тадбир сўнгида тизимда  намунали меҳнат қилиб келаётган ишчи-ходимларга касаба уюшмаси қўмитаси томонидан  ташаккурнома ва эсталик совғалар тақдим этилди.

Тадбирдан кўзланган асосий мақсад — ёлғиз, эҳтиёжманд ва кўмакка муҳтож инсонларнинг қалбларини шод этиш, уларга меҳр-эътибор кўрсатиш ҳамда жамиятдан четда эмаслигини ҳис қилдиришдан иборат бўлди.