O‘zbekiston kasaba uyushmalari Federatsiyasi Buxoro viloyat Kengashi  tomonidan kasaba uyushmalari tizimida mehnatkashlarni sog‘lomlashtirish kabi  xayrli ishlarni amalga oshirish an’anaga aylangan. Xamshiralar kuni munosobati bilan yana 3 nafar Olot, Jondor  hamda Vobkent tumani viloyat tibbiyot muassasalarida ko‘p yillardan beri mehnat qilib kelayotgan hamshiralardan Turdieva Umida, Islomova Shaxlola va Saraeva Malohatlar  ijtimoiy sug‘urta budjeti mablag‘lari hisobidan 2023 yilda o‘tkazilishi rejalashtirilgan aksiyalar doirasida  “Umid gulshani” sanatoriyasida davolanish uchun  bepul yo‘llanmalar berildi.

Kasaba uyushmalariga rahmat, har jabhada biz ishlovchi xodimlarni qo‘llab­ quvvatlab keladi, – deydi Jondor tuman tibbiet birlashmasi  xodimi Islomova Shaxlola. Kasb bayramimiz arafasida sihatgohga yo‘llanma berilishi esa haqiqiy tuhfa bo‘ldi.

Ushbu bepul berilayotgan yo‘llanmalar “Insonga e’tibor va sifatli ta’lim yili”da mehnatkashlarni sog‘lomlashtirish orqali Kasaba uyushmalari a’zolariga ko‘rsatilayotgan e’tiborning yana bir kurinishidir

.

Halima RO‘ZIEVA,

O‘zbekiston kasaba uyushmalari

Federatsiyasi Buxoro viloyat Kengashi