Ўзбекистон касаба уюшмалари Федератсиясининг Бухоро вилоят Кенгаши ижроия қўмитаси,  вилоят мактабгача ва мактаб таълими бошқармаси,  вилоят спорт бошқармаси  “Беш ташаббус олимпиадаси” доирасида таълим муассасалари ўқитувчилари ўртасида  ташкил этилган “Соғлом танда – сифатли таълим” шиори остидаги Касаба уюшмаси кубоги спорт мусобақаларининг вилоят босқичи Бухоро Олимпия ва Паралимпия спорт турларига таёрлаш марказида бўлиб ўтди.

Мазкур мусобақанинг  қуйи босқичларида 539 та мактабдан 11319  нафар таълим муассасаларининг ходимлари иштироки таъминланди.

Унда спортнинг мини футбол, шахмат, шашка, стол тенниси ва волейбол турлари бўйича мусобақанинг шаҳар ва туман босқичларида ғолибликни қўлга киритган жамоалар ўзаро беллашди.

Мусобақа давомида энг кўп спортчи  қатнашган таълим муассасаси, фаол иштирок этган жисмоний тарбия фани ўқитувчилари ташкилий қўмита томонидан “Энг фаол иштирокчи аёл”, “Энг фаол иштирокчи эркак”, “Соғлом ҳаёт тарғиботчиси” (аёллар  ва эркаклар ўртасида),  “Энг моҳир иштирокчи аёл”, “Энг моҳир иштирокчи эркак” номинатциялар бўйича рағбатлантирилди.

Қизғин, муросасиз тарзда давом этган мусобақа натижаларга кўра, умумий баллар ҳисобида энг юқори бални  қўлга киритган   Ғиждувон туман жамоасига 30 миллион  сўм пул мукофоти сертификати, медаллар  ва Касаба уюшмаси кубоги  топширилди.

Шунингдек мусобақада фахрли ўринларни  эгаллаган  Қоракўл, Шофиркон, Пешку ҳамда Ромитан туман жамоаларига ва иштирокчиларга Ўзбекистон касаба уюшмалари Федерацияси Бухоро вилоят кенгашининг  ҳамда вилоят спорт бошқармасининг махсус диплом, медаллар ва эсдалик совғалари  топширилди.